അനുമോദിച്ചു

എസ്.എസ്.എല്‍.സി പരീക്ഷയില്‍ എല്ലാ വിഷയത്തിലും 'എ പ്ലസ്' നേടിയ പൂര്‍വ വിദ്യാര്‍ത്ഥികള്‍, ഏഴാം ക്ലാസില്‍ എല്ലാ വിഷയത്തിലും 'എ' ഗ്രേഡ് നേടിയ വിദ്യാര്‍ത്ഥികള്‍, സ്പോര്‍ട്സ് സ്കൂളിലേക്ക് തെരഞ്ഞെടുക്കപ്പെട്ട വിദ്യാര്‍ത്ഥികള്‍ എന്നിവരെ കൊഴുക്കല്ലൂര്‍ കെ.ജി.എം.എസ്.യു.പി. സ്കൂള്‍ പി.ടി.യുടെ നേതൃത്വത്തില്‍ അനുമോദിച്ചു. കെ.കുഞ്ഞമ്മദ് മാസ്റ്റര്‍ എ.എല്‍.എ. ഉദ്ഘാടനം ചെയ്തു. പി.ടി.എ പ്രസിഡണ്ട് കെ.കെ.നാരായണന്‍ അധ്യക്ഷനായിരുന്നു. പി.ടി.എ വൈസ് പ്രസിഡണ്ട് സഞ്ജയ് കൊഴുക്കല്ലൂര്‍, വി.പി.ശാന്ത, അഭിന.എം.ധരന്‍, പി.എം.ആതിര എന്നിവര്‍ സംസാരിച്ചു. ഹെഡ്മാസ്റ്റര്‍ വി.രവീന്ദ്രന്‍ സ്വാഗതവും സ്റ്റാഫ് സെക്രട്ടറി ഇ.എം.രവീന്ദ്രന്‍ നന്ദിയും പറഞ്ഞു.